प्रतिष्ठित साइकल र्याली टुर दि फ्रान्सको उपाधि कोलम्बियाका चालक इगान बर्नालले जितेका छन् ।
२१औं चरण लामो चल्ने रेसमा टिम इनियोसका बर्नालले ८२ घण्टा ५७ मिनेटमा दुरी पूरा गर्दै पहिलो भए । २२ वर्षे बर्नाल टुर दि फ्रान्स जित्ने सबैभन्दा कान्छ खेलाडी बनेका छन् । यससँगै उनी यो प्रतिष्ठित उपाधि जित्ने पहिलो कोलम्बियन खेलाडी पनि बनेका छन् ।
बर्नालभन्दा एक मिनेट ११ सेकेण्डले पछि परेका बेलायतका जेराइन्ट थोमस दोस्रो भए भने नेरदल्याण्डका स्टेभेन क्रुइस्वीक तेस्रो भए ।
अन्तिम चरणमा अष्ट्रेलियाका सेलेब इभान पहिलो भए । उनले तीन घण्टा चार मिनेट आठ सेकेण्ड मार्क गरेका थिए ।
