जनताको सेवा गर्न सांसद र मन्त्री पद चाहिदैनः मुख्यमन्त्री राई

भोजपुर– जनताको सेवा गर्न सांसद र मन्त्री पद नचाहिने प्रदेश नं. १ का मुख्यमन्त्री राजेन्द्र कुमार राईले बताएका छन् । मंसिर ४ गते हुने प्रतिनिधि सभा र प्रदेश सभाको निर्वाचनमा सुनसरी जिल्ला पार्टी र भोजपुर बाट प्रतिनिधि सभाको लागि उमेदवार सिफरिस गरेपछि मुख्यमन्त्री राईले उक्त कुरा बताएका हुन् ।

मुख्यमन्त्री राईले आफ्नो सामाजिक सञ्जाल मार्फत लेखेका छन् आफ्नो जन्म र कर्मथलो भोजपुर हो । भोजपुर भन्दा अन्य निर्वाचन क्षेत्रबाट सांसद उमेदवार हुने मेरो सम्भावना कम छ । भोजपुरप्रति मेरो धेरै माया छ सांसद र मन्त्री पद नहुँदा पनि जनताको सेवा गर्न सकिने राईको भनाई छ । अहिले भोजपुरे जनताको मायाले प्रदेश नं. १ को मुख्यमन्त्री भएको छु भोजपुरे जनताको माया र विश्वास रहेसम्म अन्य ठाउँबाट सांसद वा मन्त्री हुने चाहाना नरहेको उनले प्रष्ट पारेका छन् ।

साथै सजिलो हुँदा उछिन पाछिन गर्ने र अफ्ठ्यारो पर्दा भाग्ने आफु नरहेको राईले बताएका छन् । पार्टीको निर्देशन सांसद नउठनु भन्ने भयो भने सांसदको उमेदवा नहुने र पार्टीको निर्देशन अनुसार जस्तो सुकै अफ्ठ्यारो ठाउँमा पनि आफु उमेदवार हुन तयार रहेको राईले प्रष्ट पारेका छन् ।

भोजपुर र सुनसरीबाट जिल्ला पार्टीले आफ्नो मुल्याङ्कन गरेर उमेदवारको लागि सिफारिस गरेको हो यसमा मेरो कुनै पनि ईच्छा, चाहाना, माग केहि पनि छैन । पार्टीको ईमान्दार कार्यकर्ता हुँ पार्टी अहिले गठबन्धनमा छ गठबन्धनमा जस्तो निर्णय हुन्छ त्यस्तै मानेर जाने समेत मुख्यमन्त्री राईले बताएका छन् ।

मुख्यमन्त्री राईको सामाजिक सञ्जालमा रहेको स्टाटस जस्ताको तस्तै हेर्नुहोस ः