भोजपुर– अन्डर ४० केजि वडा तथा विद्यालय स्तरीय फुटबल प्रतियोगिताको उपाधी महाकाली आधारभुत विद्यालयले हात पारेको छ । षडानन्द नगरपालिका वडा नं. ६ खेलकुद विकास समितिको आयोजनामा भएको प्रतियोगिताको विजेता बन्दै विद्यालयले उपाधी हात पारेको हो ।
महाकाली विद्यालय विजेता बन्दा आयोजक उपविजेता बनेका छन् भने तेस्रो षडानन्द नगरपालिका वडा नं. १ नेपाले डाँडा भएको छ । प्रतियोगितामा विजेता टिमले १५ हजार ५ सय ५०, ट्रफी, मेडल र प्रमाण– पत्र पाएका छन् भने दोस्रो र तेस्रो क्रमशः १० हजार १ सय १० र ५ हजार ५ सय ५५ साथै मेडल र प्रमाण–पत्र पाएका छन् ।
प्रतियोगितामा आयोजक टिमका खेलाडी सर्वाेत्कृष्ट गोलकर्ता आलोक राई भएका छन् भने डिफेन्डर सुजन राई आयोजककै खेलाडी भएका छन् । षडानन्द नगरपालिका वडा नं. १ नेपाले डाँडाका उत्कृष्ट खेलाडी टेक बहादुर चर्माकार हुँदा महाकाली विद्यालयका सुजन वि.क. उत्कृष्ट गोल रक्षक बनेका छन् ।
