भोजपुर– भोजपुरको षडानन्द नगरपालिका स्तरीय राष्ट्रपति रनिङ शिल्ड प्रतियोगितामा षडानन्द माध्यमिक विद्यालय प्रथम भएको छ । अरुण माध्यमिक विद्यालयको आयोजना तथा षडानन्द नगरपालिकाको प्रायोजनमा आयोजित प्रतियोगितामा षडानन्द माध्यमिक विद्यालयले प्रथम स्थान हासिल गरेको हो l
७ गते देखि आज ९ गते मंगलबारसम्म भएको ३ दिने प्रतियोगितामा आयोजक अरुण माध्यमिक विद्यालय दोस्रो हुँदा शारदा मा.वि तेस्रो भएको छ । षडानन्द माध्यमिक विद्यालयले १४ स्वर्ण, ७ रजत र ३ कास्य गरि जम्मा २४ मेडल सहित ट्रफी हात पारेको छ । त्यस्तै दोस्रो हुने अरुण माध्यमिक विद्यालयले ६ स्वर्ण ५ रजत र ७ कास्य गरि १८ मेडल सहित ट्रफी हात पारेका छन् भने तेस्रो हुने शारदा माध्यमिक विद्यालयले स्वर्ण २, रजत ४ कास्य ५ सहित १३ मेडल सहित ट्रफी हात पारेको हो ।
प्रतियोगितामा एक निजि विद्यालय सहित ९ वटा माध्यमिक विद्यालयहरुको सहभागी रहेको थियो । प्रतियोगितामा सहभागी विद्यालयहरुले क्रमशः सरस्वती मा.वि.ले २ स्वर्ण १ रजत साथै न्यू समिट ईङ्ग्लिस बोर्डिङ स्कुलले २ स्वर्ण र १ रजत मेडल प्राप्त गरेको छ । चन्द्र सुर्य माध्यमिक विद्यालयले ४ रजत ४ कास्य, महेन्द्रोदय मा.वि.ले ३ रजत २ कास्य, साथै सावित्र मा.विले १ रजत ३ कास्य पदक हात पारेका छन् ।
प्रतियोगिता षडानन्द नगरपालिका खेलकुद विकास शाखाका संयोजक ढाकमान राईको अध्यक्षता तथा जिल्ला खेलकुद विकास समितिका अध्यक्ष दावा शेर्पाको प्रमुख आतिथ्यमा समापन भएको थियो ।
