भोजपुर– भोजपुरको षडानन्द नगरपालिकाले अन्तरपालिका स्तरीय पुरुष भलिबल प्रतियोगिताको उपाधि हात पार्ने टिमलाई सम्मान गरेको छ । संखुवासभाको मकालु गाउँपालिकामा सम्पन्न भएको अन्तरपालिका स्तरीय प्रतियोगिताको फाइनल खेलमा संखुवासभाको सभापोखरी गाउँपालिकालाई ३–१ को सेटमा पराजित गर्दै उपाधि हात पारेको थियो।
१६ गतेदेखि १९ गतेसम्म मकालु गाउँपालिकामा सञ्चालन भएको प्रतियोगिताको उपाधी नगरपालिकालाई दिलाउन सफल भएकोमा हौसला स्वरुप नगरपालिकाले सम्मान गरेको छ । नगरपालिकाका प्रमुख सुरेन्द्र कुमार उदास, उपप्रमुख प्रमिला राई, वडाध्यक्षहरुले खादा लगाई सम्मान गरेको हो । खेलाडी टिमले नगरपालिकालाई प्रतियोगिताको उपाधीमा प्राप्त भएको ट्रफी हस्तान्तरण गरेको छ ।
साथै जिल्ला खेलकुद विकास समितिले पनि खेलाडीलाई सम्मान गरेको छ । जिल्ला खेलकुद विकास समितिका अध्यक्ष दावा शेर्पाले खेलाडीहरु खादा तथा अविर लगाई षडानन्द नगरपालिकाको केन्द्र दिङ्ला बजारमा स्वागत तथा सम्मान गरेको हो ।
