मादी, संखुवासभाको मादी मादी बहुमुखी क्याम्पसले ३३ औं वार्षिकोत्सव सम्पन्न गरेको छ । कमल नारायण लिङ्थेपको प्रमुख आतिथ्यतामा वार्षिकोत्सव सम्पन्न भएको हो ।कार्यक्रममा क्याम्पस प्रमुख मन बहादुर कार्किले प्रतिवेदन प्रस्तुत गरेका थिए। कार्कीले एक करोड १२ लाख ३६ हजार आय तथा ३६ लाख ६६ हजार व्यय र ७५ लाख ७० हजार बचत रहेको प्रतिवेदनमा उल्लेख गरे । गतवर्ष क्याम्पसको आर्थिक सहयोगको निम्ति सञ्चालन गरिएको बहु धार्मिक महायज्ञबाट क्याम्पसलाई ठूलो सहयोग पुगेको उनले बताए ।
कार्यक्रममा क्याम्पसलाई योगदान पुर्याउने पुर्व उपप्राध्यापक भरत राज दाहाल र शिक्षाप्रेमि डम्वरु प्रसाद ढुङ्गानालाई दोसल्ला ओढाएर अभिनन्दन गरिएको थियो । अन्य ७ जनालाई सम्मान गरिएको थियो।
पुस १८ गतेदेखि सुरु गरिएको कार्यक्रम आइतबार समापन गरिएको थियो ।
