मादी, मादी नगरपालिकाले मादीका कृषकलाई निशुल्क कृषि चुन वितरण गरेको छ । माटोको उर्वरा परिक्षण गरि कृषकलाई कृषिचुन वितरण गरिएको हो। गत माघमा नगरभरिमा ६ सय १० जनाको माटो परिक्षण गरिएको थियो । सोहि बमोजिम नगरपालिकाले कृषकलाई शतप्रतिशत अनुदानमा कृषि चुन वितरण गरेको हो ।
मादी नगरपालिकाको वडा नं १, २, ३ मा यस अघि नै कृषि चुन वितरण गरिएको थियो । वडा नं ७, ८ र ९ मा भने लकडाउन पश्चात् मात्रै वितरण गरिने मादी नगरपालिका कृषि शाखा प्रमुख निमा रेञ्जि शेर्पाले जानकारी दिए ।
नगरका समपूर्ण कृषकका लागि ४७ टन कृषि चुन वितरण गरिने छ।
